НӨАТ-ын урамшууллын 2018 оны зургадугаар сарын сугалааны тохирол өнөөдөр буюу 2018 оны зургадугаар сарын 17-ны ням гаригт Боловсрол телевизээр орон даяар шууд явагдлаа. Тус сугалаанд өнгөрсөн сарын 01-нээс 31-ний өдөр хүртэлх хугацаанд худалдан авалт хийсэн баримтаа энэ сарын 16-ны өдрийн 23 цаг 59 минутаас өмнө Цахим төлбөрийн баримтын системд бүртгүүлсэн хэрэглэгчид оролцсон юм. Сугалаагаар:
- 10 сая төгрөгийн 2
- 5 сая төгрөгийн 26
- 1 сая төгрөгийн 192
- 200 мянган төгрөгийн 1944
- 50 мянган төгрөгийн 19134 баримт тохирлоо.
Харин супер азтангаар 10 сая төгрөгийн азтан 2, 5 сая төгрөгийн 26 азтан тодорсон бол хамгийн супер шагнал болох 50 сая төгрөгийн азтан тодорсонгүй.
