ЦУОШГ-аас 2018 оны гуравдугаар сарын 12-ноос 19-нийг хүртэлх долоо хоногийн цаг агаарын урьдчилсан мэдээг танилцуулжээ. Тус мэдээнд дурдсанаар хугацааны эхний хагаст зарим газраар цас орж, зөөлөн цасан шуурга шуурч, хүйтрэх гэнэ.
Баруун аймгуудын нутгаар: 12,16-нд нутгийн хойд хэсгээр, 13-нд зарим нутгаар, 14-нд нутгийн зүүн хэсгээр, 17-нд нутгийн баруун хэсгээр, 18-нд ихэнх нутгаар цас орж, зөөлөн цасан шуурга шуурна. Салхи 12-13-нд зарим газраар, 14,18-нд нутгийн өмнөд хэсгээр түр зуур 18-20м/с хүрч ширүүснэ. 13-нд нутгийн хойд хэсгээр, 14-нд нутгийн зүүн хэсгээр, 18-нд нутгийн баруун хэсгээр бага зэрэг хүйтэрнэ. 12-нд бүх нутгаар хүйтний эрч эрс суларна. Бусад хугацаанд Увс нуур, Идэр, Тэсийн хөндий, Завхан голын эхээр шөнөдөө 18-23 градус, өдөртөө 2-7 градус хүйтэн, Алтайн өвөр говиор шөнөдөө 0-5 градус хүйтэн, өдөртөө 11-16 градус дулаан, бусад нутгаар шөнөдөө 9-14 градус хүйтэн, өдөртөө 5-10 градус дулаан байна.
Төвийн аймгуудын нутгаар: 12-нд нутгийн хойд хэсгээр, 13-нд ихэнх нутгаар, 14-нд Хангайн уулархаг нутгаар цас орж, зөөлөн цасан шуурга шуурна. 18-нд нутгийн баруун хойд хэсгээр бага зэргийн цас орно. 12-13нд салхи зарим газраар 14-16м/с хүрч ширүүснэ. 12-нд бүх нутгаар хүйтэн эрс суларна. 13-нд нутгийн хойд хэсгээр, 14-нд ихэнх нутгаар, 15-нд нутгийн зүүн хэсгээр хүйтэрч Дархадын хотгор, Орхон-Сэлэнгэ, Хараа, Ерөө, Туул, Тэрэлж голын хөндий, Хэнтийн уулсаар шөнөдөө 22-27 градус, өдөртөө 9-14 градус, бусад нутгаар шөнөдөө 16-21 градус, өдөртөө 5-10 градус хүйтэн байна. Цааашхи хугацаанд хүйтний эрч суларч Дархадын хотгор, Хэнтийн уулс, голуудын саваар шөнөдөө 16-21 градус өдөртөө 2-7 градус, бусад нутгаар шөнөдөө 8-13 градус хүйтэн, өдөртөө 3-8 градус дулаан байна.
Зүүн аймгуудын нутгаар: 12-13нд нутгийн хойд хэсгээр, 14-нд нутгийн өмнөд хэсгээр цас орж, салхи зарим газраар түр зуур 15-17м/с хүрч зөөлөн цасан шуурга шуурна. 13-нд нутгийн хойд хэсгээр, 14-15-нд ихэнх нутгаар хүйтэрч Хэрлэн, Онон, Улз, Халх голын хөндийгөөр шөнөдөө 22-27 градус, өдөртөө 9-14 градус, бусад нутгаар шөнөдөө 15-20 градус, өдөртөө 4-9 градус хүйтэн байна. Бусад хугацаанд хүйтний эрч суларч Онон, Улз, Халх голын хөндийгөөр шөнөдөө 17-22 градус, өдөртөө 3-8 градус, бусад нутгаар шөнөдөө 10-15 градус, өдөртөө 1 градус хүйтнээс 4 градус дулаан байна.
Говийн аймгуудын нутгаар: 14-нд зарим газраар бага зэргийн цас орж, зөөлөн цасан шуурга шуурна. Салхи 12-нд Арц Богдын өвөр хоолойгоор, 13-14-нд ихэнх нутгаар түр зуур 16-18м/с хүрч ширүүснэ. 12-13нд ихэнх нутгаар шөнөдөө 1-6 градус хүйтэн, өдөртөө 13-18 градус дулаан байна. 14-15-нд хүйтэрч Дундговийн нутгаар шөнөдөө 13-18 градус, өдөртөө 0-5 градус, бусад нутгаар шөнөдөө 8-13 градус хүйтэн, өдөртөө 2 градус хүйтнээс 3 градус дулаан байна. Цаашдаа хүйтний эрч суларч шөнөдөө 6-11 градус хүйтэн, өдөртөө 8-13 градус дулаан байна.
