Гурилын үнийн өсөлтийг хянан шалгах ажлын хэсгийн гишүүд дотоодын үйлдвэрүүд болон худалдааны төвүүдэд ажиллав
Монгол Улсын Их Хурлын даргын 2024 оны 04 дүгээр сарын 05-ны өдрийн 49 дүгээр тоот захирамжаар Гаалийн албан татвараас чөлөөлөх тухай хуулийн төслийг Байнгын хорооны болон чуулганы нэгдсэн хуралдааны хэлэлцүүлэгт бэлтгэх, санал, дүгнэлтийн төсөл боловсруулах, гурилын үнийг зохиомлоор нэмэгдүүлж байгаа эсэхийг хянан шалгах үүрэг бүхий ажлын хэсгийг Улсын Их Хурлын гишүүн Ж.Бат-Эрдэнээр ахлуулан, Улсын Их Хурлын гишүүн Д.Өнөрболор, Ц.Сандаг-Очир, Ц.Туваан, Т.Энхтүвшин нарын бүрэлдэхүүнтэйгээр байгуулсан билээ.
2024-04-10
Хараат бус ажиглагчдыг дэмжих хандивын аян зарлажээ
Шат шатны сонгуульд хараат бус, иргэний нийгмийн байгууллагын ажиглагч нар чухал үүрэг гүйцэтгэдэг. “Бодлогод залуусын хяналт” ТББ-аас аль нэг нам, эвслээс хараат бусаар ажиллаж, сонгуулийн үйл явцыг ажиглах залуусыг сургалтад хамруулж, ардчиллын талаарх ойлголт, мэдлэг олгодог юм байна. Мөн нэг хэсгийн хороонд өдөр, оройн ээлжээр ажиглагч ажиллуулахад 270 мянган төгрөгийн зардал гарах тооцоог тус ТББ-ынхан хийжээ. Тиймээс энэ бүхэнд зориулж хараат бус ажиглагчдыг дэмжих хандивын аян зарласан аж. Хандив цуглуулах зорилгоор жазз хөгжмийн тоглолт, мерч бүтээгдэхүүн зэргийг ч мөн борлуулж буй гэнэ.
2024-04-09
“PISA-2022” үнэлгээний дүнг УИХ-д танилцуулав
Түүнчлэн гишүүн Ж.Батсуурь “Боловсрол, шинжлэх ухааны яамнаас зарласан төсөв, тендерийн хөрөнгө оруулалт, гүйцэтгэл дандаа чанаргүй, хойшилсон, өртөг нь нэмэгдэж байгааг анхааралдаа авах ёстой” гэхэд сайд Л.Энх-Амгалан “Эл үнэлгээнд оролцсон хүүхдүүд сургуульд элсэхээсээ авхуулаад суурь боловсролын цөм хөтөлбөрт хамрагдсан. Уг хөтөлбөрийг 10 гаруй удаа шинэчлэхдээ санхүүжилт, боловсон хүчний нөөц зэргийг нь тооцож төлөвлөөгүй, хуумгай хандаж иржээ. Улмаар сургалтын хөтөлбөрийн агуулга, ачаалал хүндэдсэн тул анги ахих тусам хүүхдүүдийн сурах хүсэл эрмэлзэл суларсан. Найман настай хүүхдэд зааж байсан хичээлүүдийг зургаан настнуудаар судлуулж байна. Уран зохиол, унших бичгийн хичээлийг хассантай ч холбоотой.
2024-04-08
Нам, эвслүүд хандивын тайлангаа энэ долоо хоногт хүргүүлнэ
УИХ-ын сонгуульд оролцох нам, эвсэл, бие даагчид энэ долоо хоногт багтан хандивын тайлангаа Үндэсний аудитын газар (ҮАГ)-т хүргүүлж, дүгнэлт гаргуулах нь. Дөрөвдүгээр сарын эхний долоо хоногт багтаан тэд эл тайлангаа явуулах хуультай юм. Өнгөрсөн долоо хоногт 27 нам, хоёр эвсэл сонгуулийн мөрийн хөтөлбөрөө дээрх байгууллагад өгсөн билээ. Харин бие даан нэр дэвшигчдийн хувьд сонгуулийн мөрийн хөтөлбөрөө энэ сарын 25-наас өмнө хүргүүлэх ёстой. Өөрөөр хэлбэл, бие даагчдад мөрийн хөтөлбөрөө боловсруулахад нам, эвслээс нэг сараар илүү хугацаа олгосон юм байна.
2024-04-05
УИХ-ын болон УИХ-ын чуулганы хуралдааны дэгийн тухай хуулийн төслийг ил болгохыг шаардлаа
Тэдний шаардлагад “Үндсэн хуульд зааснаар Монгол Улсад засгийн бүх эрх мэдэл ард түмний мэдэлд бий. Гэвч хуулийн төсөл боловсруулах, УИХ-аар хэлэлцэн батлахдаа иргэдийн санал, оролцоо, ил тод байдлыг бодитоор хангахгүй байна. Үүний нэг жишээ нь эдгээр хуулийн төслийг нээлттэй байршуулахгүй байгаа явдал юм. 2024 оны сонгуулийн үр дүнгээр байгуулах, 126 гишүүнтэй анхны парламент ямар зохион байгуулалт, дэг зарчмаар ажиллахыг эдгээр хуулиар зохицуулна. Гэвч хуулийн төслүүдийг иргэд, олон нийт, төрийн бус байгууллагынхан, судлаачдад нээлттэй болгохгүй, саналыг нь авахгүйгээр боловсруулж байгаа нь хууль зөрчсөн үйлдэл болно” хэмээжээ.
2024-04-04
Үнэмлэхүй олонх үргэлжлүүлэн эрх барина гэж тооцов уу
Баталсан хууль тогтоомжийнхоо биелэлтэд хяналт тавих бүрэн эрхээ хэрэгжүүлэхдээ АТГ, цагдаа, тагнуул гээд эрх бүхий байгууллага нь хэрэг үүсгэхээс авхуулаад мөрдөн байцаах ажиллагаа явуулан, прокурор яллах дүгнэлт үйлдэн шүүхэд шилжүүлэх хүртэл хууль тогтоогчид бас шалгалт явуулна гэдгээ ийнхүү бататгаж, тодорхой болгох нь.
2024-04-03
Албан тушаал, ардын сангуудыг сорчлогч
ҮАБЗ-ийн нарийн бичгийн дарга бол Монголын төрийн өндөр албан тушаалтан. Зэрэг, зиндаагаар нь адилтгавал Ерөнхийлөгчийн Тамгын газар болон Засгийн газрын Хэрэг эрхлэх газрын дарга, УИХ-ын ерөнхий нарийн бичгийн даргатай эн зэрэгцэх тусгай албан тушаалтан юм. УИХ-ын гишүүн, сайд асан Ж.Энхбаяр оны өмнөхөн эл албанаас өөрийн хүсэлтээр чөлөөлөгдсөн нь учиртай. Тэрбээр УИХ-ын сонгуулийн төвийн бүсийн тавдугаар тойрог буюу Дархан-Уул, Сэлэнгэ, Төв аймагт өрсөлдөхөөр зэхэж, хуулийн дагуу өндөр албан тушаалаас татгалзсан хэрэг. Гэхдээ тэр өдгөө Ерөнхийлөгчийн үндэсний аюулгүй байдал, улс төрийн бодлогын зөвлөхөөр ажиллаж байна. Төрийн тэргүүний зөвлөх ч өндөр албан тушаалтны ангилалд багтдаг. Ийнхүү өндөр албан тушаалыг сорчлон сэлгэж “сурсан” Ж.Энхбаярыг сонгож болохгүй шалтгаан бий.
2024-04-01
Төсвийн дунд хугацааны хүрээний мэдэгдлийг олон нийтэд анх удаа хэлэлцүүллээ
Улсын Их Хурлын Төсвийн байнгын хорооны дарга Г.Тэмүүлэн тэргүүтэй 32 гишүүн санаачлан Улсын Их Хурлаар 2023 оны 07 дугаар сарын 07-ны өдөр хэлэлцэн баталсан Төсвийн шинэчлэлийн эхний шатны хуулийн өөрчлөлт амжилттай хэрэгжиж, Төсвийн дунд хугацааны хүрээний мэдэгдлийг олон нийтэд анх удаа хэлэлцүүллээ.
2024-03-29
Үнэт цаасны зах зээлийн тухай хуулийн төслийн анхны хэлэлцүүлгийг хийв
Улсын Их Хурлын Эдийн засгийн байнгын хорооны өнөөдрийн (2024.03.28) хуралдаан гишүүдийн 61.1 ирцтэйгээр Үнэт цаасны зах зээлийн тухай хуулийн төсөл болон хамт өргөн мэдүүлсэн хуулийн төслүүдийн анхны хэлэлцүүлгийг хийлээ. Улсын Их Хурлын гишүүн Т.Энхтүвшин төслийг анхны хэлэлцүүлэгт бэлтгэсэн талаарх ажлын хэсгийн танилцуулгыг хуралдаанд танилцуулав.
2024-03-28
Гурил, малын тэжээлийг импортын татвараас чөлөөлөх асуудлыг УИХ-аар хэлэлцэнэ
Засгийн газраас санаачилсан гурил, малын тэжээлийн үнийг гаалийн албан татвараас чөлөөлөх тухай хуулийн төслийг УИХ-ын чуулганаар хэлэлцэхийг гишүүдийн олонх нь дэмжлээ. Ингэснээр тус хуулийн төслийг үзэл баримтлалын хувьд дэмжиж, анхан шатны хэлэлцүүлэгт бэлтгүүлэхээр холбогдох байнгын хороонд шилжүүлэв.
2024-03-28
