3-р сарын 3-нд болох ДЭЛХИЙН ЗЭРЛЭГ АМЬТДЫН өдрийг тохиолдуулан “Эх орны минь байгаль, зэрлэг амьтад миний нүдээр” хэмээх сэдвийн хүрээнд гар зургийн уралдааныг Байгаль, зэрлэг амьтдыг хамгаалах нийгэмлэг (WCS) зарлаж байна.
Монгол орны байгаль, зэрлэг амьтдын талаар танин мэдэх, мэдлэгээ арвижуулах сонирхолтой сурагчдын дунд Монгол орны зэрлэг амьтад, амьдрах орчныг нь өөрийн хардаг өнцөгөөс тусгаж, уран сэтгэмжтэй, бүтээлч байдлаар зурж илэрхийлэхийг уриалж байна.
Хамрагдах хүрээ: Улаанбаатар хотын ЕБС-иудын 6-12 дугаар ангийн сурагчид
Хугацаа: 3-р сарын 3-ны 17.00 цагаас өмнө бүтээлийг Байгаль, зэрлэг амьтдыг хамгаалах нийгэмлэгийн оффист хүлээн авна.
Зургийн заавар: Уран зургийг харандаа, төрөл бүрийн будгаар A3 буюу түүнээс дээш хэмжээний цаасан дээр зурна.
Зургийн ар талд овог нэрийг бүтнээр, бүтээлийн нэр, нас, хүйс, харьяа дүүрэг, сургууль анги болон харилцах утасны дугаарыг бичнэ. Бүтээл нь хуулбарласан буюу бусдын тусламжтайгаар зурсан зураг хүлээн авахгүй.
Шагнал урамшуулал
Тэргүүн байр: өргөмжлөл, үнэ бүхий зүйл, 100,000 төгрөг (1 сурагч)
Дэд байр: өргөмжлөл, үнэ бүхий зүйл, 75,000 төгрөг (2 сурагч)
Гутгаар байр: өргөмжлөл, үнэ бүхий зүйл, 50,000 төгрөг (3 сурагч)
Тусгай байр: өргөмжлөл, үнэ бүхий зүйл (6 сурагч)
Эдгээр 12 байр эзэлсэн хүүхдүүдийн бүтээлээр 2016-2017 оны байгаль орчны сэдэвчилсэн хуанли хийнэ.
Ялагчдыг зарлах өдөр: 3-р сарын 4-нд байр эзэлсэн бүтээлүүдийг албан ёсоор зарлаж шагнал гардуулах болно.
Байгууллагын хаяг: Спортын төв ордны баруун талд байрлах Сан бизнес центрийн 2-р давхар
Холбоо барих утас: 11-323719
