Дэлхийд алдартай Кембрижийн их сургуулийн гадаад оюутанд зориулсан тэтгэлэгийг жил бүр “Bill & Melinda Gates” сангаас зарладаг. Тус сан тэтгэлэгт сонгогдсон оюутнуудын нэг жилийн төлбөрийг 100 хувь төлдөг онцлогтой.
Олон улсад чадварлаг мэргэжилтэн төрүүлэх, санхүүгийн боломжгүй хүмүүст туслалцаа үзүүлэх зорилгоор тус тэтгэлэгийг 2000 оноос хойш зохион байгуулсан бөгөөд үүнээс хойш 210 сая ам.долларын тэтгэлэг үзүүлжээ. Энэ нь Их Британийн их сургуулийн хувьд хамгийн их мөнгөн тэтгэлэг үзүүлсэн тоо юм.
Уг тэтгэлэгт 100 гаруй орны 1400 хүн хамрагдсан бөгөөд жил бүр 95 хүнд шинэ тэтгэлэг олгодог. Үүний 40 нь АНУ-ын иргэдэд олгодог бол 55 нь бусад орны иргэдэд хамаардаг аж.
Сургалтын түвшин: Уг тэтгэлэгт хамрагдах хүсэлтэй оюутан Кембрижийн их сургуулийн ямар ч чиглэлээр суралцах боломжтой.
Судалгаа: Кембрижийн их сургуулийн ямар ч судалгааны чиглэлээр ажиллах боломжоор хангагдана.
Тэтгэлэг: Энэхүү тэтгэлэг нь таныг их сургуулийн төлбөрөөс 100 хувь чөлөөлнө. Түүнчлэн таны нөхцөл байдлаас хамаарч, зарим нэг хөнгөлөлтийг үзүүлдэг. Кембрижийн их сургууль нь ижил төрлийн их сургууль дундаас хамгийн их хөнгөлөлт үзүүлдэг их сургуулийн тоонд ордог аж.
Хөнгөлөлтүүд:
- Их Сургуулийн суурь хураамж
- Оюутны жилийн хураамж (2016-2017 оны 12 сар суралцах хөтөлбөрийн үнэ 14600 фунт стерлинг аж)
- Ирж, очих нэг удаагийн онгоцны зардал
- Виз болон бусад төрлийн зардал
Мөн үндсэн санхүүжилт дээр хэд хэдэн төрлийн нэмэлт санхүүжилт үзүүлнэ. Үүнд:
- Урт хугацааны болон богино сургалт, хуралд оролцох – ойролцоогоор 500-1500 фунт стерлинг
- Гэр бүлтэйгээ хамт байх боломж. Нэг хүүхэдтэй бол 10120 фунт стерлинг хүртэл дэмжлэг олгох бөгөөд хоёр дахь хүүхдэд 4320 фунт стерлинг нэмж олгоно. Үүнд нөхөр болон хамтран амьдрагч тань хамаарахгүй.
- Гэнэтийн бэрхшээл тулгарсан тохиолдолд.
- Эцэг, эхийн бие өвдөх болон бусад ар гэрийн асуудал тулгарвал зургаан сарын хугацаанд түр чөлөө авах боломжтой.
- Зарим дөрөв дэх жилдээ суралцаж буй доктор, бакалаврын зэрэглэлтэй оюутнуудад төгсөх жилд нь тэтгэлэг олгох боломжтой.
Энэхүү тэтгэлэгт хамрагдах болзол
- Их Британаас өөр ямар ч улсын иргэд.
- Өргөдөл гаргагч нь өмнө нь өөрийн улсдаа их дээд сургууль төгссөн байх шаардлагатай.
- Англи хэлний шалгалтын оноо
- Таны өмнө хийсэн судалгаа, шинжилгээний ажлын тайлан (зарим мэргэжилд хамаарна)
Тэтгэлэг авахад юу шаардлагатай вэ?
Кембрижийн их сургуульд суралцах хүсэлтээ өгөхдөө уг тэтгэлэгт хамрагдах хүсэлтэй гэдгээ цуг бөглөнө. Та тус их сургуульд бүртгүүлээгүй үедээ шууд уг тэтгэлэгт хамрагдах боломжгүй аж.
- Их сургуульд суралцахыг хүссэн өргөдөл бөглөх (тэтгэлэгийн өргөгдлийг хавсаргасан)
- Боловсролын гэрчилгээ
- АНУ-ын иргэд 10 дугаар сарын 12-нд бүртгүүлэх бол бусад улсын иргэд 12 сарын 7-нд хүртэл хүсэлтээ явуулах боломжтой аж.
