Биологийн хичээлийн нийслэлийн аваргууд энэ сарын 6-нд тодорлоо. Улаанбаатар хот дахь дунд сургуулиудын ахлах ангийн сурагчид оролцсон олимпиад 4 дүгээр дунд сургууль дээр болж өрнөсөн байна. Биологийн олимпиадын хоёрын даваанд багийн дүнгээр "Сант" сургуулийн сурагчид түрүүлснээр тус сургууль Нийслэлийн аваргаар шалгарчээ.
Тус олимпиадын гурвын даваа энэ сарын 28-29-нд Улаанбаатар хотноо зохиогдож, улсын аваргууд тодрох юм.
