Манай орны зарим аймгийн нутгаар энэ долоо хоногийн сүүлчээр цас орж, хүйтрэхийг цаг уурын байгууллагаас анхаарууллаа. Тухайлбал, Ховд, Архангай, Булган, Баянхонгор аймгийн нийт, Хөвсгөлийн өмнөд хэсгээр өнөөдөр цас орох төлөв гарсан байна. Түүнчлэн маргааш Өвөрхангай, Говьсүмбэр, Дундговь, Төв аймгийн нутгаар цас орж, хүйтрэх аж. Харин ирэх долоо хоногоос нийт нутгаар хүйтний эрч бага зэрэг суларч, харьцангуй дулаан өдрүүд үргэлжлэх төлөвтэй гэнэ.
Тиймээс дээр дурдсан аймгуудад оршин сууж буй болон тэдгээрийг зорих иргэд тээврийн хэрэгслийнхээ бэлэн байдлыг хангах, дулаан хувцаслах, цаг агаарын мэдээллийг тогтмол авч ажлаа төлөвлөхийг онцгой байдлын байгууллагаас анхаарууллаа. Улаанбаатар хотын тухайд өнөөдөр, маргааш хүйтний эрч бага зэрэг нэмэгдэх нь. Харин ирэх ням гаргаас агаарын температур харьцангуй дулаан болох аж.
Ч.ЗУЛ
