Хүүхэд багачуудыг номтой нөхөрлүүлэх, танин мэдэхүйн мэдлэг, мэдээлэл олгох зорилготой “Чингэлтэйн номын баяр” арга хэмжээг тус дүүргийн “Хүүхэд хөгжлийн цогцолбор” УТҮГ-ынхан хоёр дахь жилдээ өчигдөр зохион байгууллаа.
“Чингэлтэйн номын баяр”-ын үеэр шилдэг уншигчийг шалгаруулан, АХА, “30 номын уналт” зэрэг танин мэдэхүйн олон төрлийн тэмцээн зохион байгуулсан юм. Мөн тус дүүргийн сурагчдын зөвлөлөөс нээлттэй микрофон ажиллуулж, нүүр будах, цаасан нугалбар хийх, харандаагаар өөрийн зургийг шог хэлбэрээр зуруулах, уран бичлэгээр хүссэн үг, нэрээ бичүүлэх зэрэг олон төрлийн үйлчилгээ үзүүлж байлаа. Түүнчлэн эл өдөр монгол үндэстний эд хэрэгслүүдээр үзэсгэлэн гаргаж, уламжлалт тоглоом наадгайг сурталчлан таниулах, ном, бичгийн хэрэгслийг хямдралтай үнээр худалдсан юм.
У.Цэцэг
