MNS 7046:2024 буюу Цэцэрлэгийн хүүхдийн спортын хувцасны техникийн шаардлагыг Стандарт, хэмжил зүйн газраас баталжээ. Цэцэрлэгийн хүүхдийн спорт хувцасны материал, эдэлгээ, эрүүл ахуйн шинж чанарын үзүүлэлт, үйлдвэрлэлийн шаардлагыг уг стандартад заасан байна. Тухайлбал, хүүхдүүд богино ханцуйтай, номин ногоон өнгөтэй цамц өмсөх нь. Мөн хар хөх өнгийн богино өмд өмсөхөөр стандартад заажээ. Тухайн хувцас нь хүүхдийн биеийн хөдөлгөөнд тохирсон, чөлөөтэй хөдлөх боломжийг хангасан, өмсөж, тайлахад хялбар байх ёстой аж. Түүнчлэн агаар нэвтрүүлэх чанар сайн, эрүүл ахуйн шаардлага хангасан байхаар стандартад тусгажээ.
М.ОЧ
