Нийслэлийн ИТХ-ын ээлжит бус XXI хуралдаан өнөөдөр цахимаар хуралдаж, Сонгуулийн дүнгээр Улсын Их Хурлын гишүүнээр сонгогдсон Нийслэлийн иргэдийн Төлөөлөгчдийн Хурлын Төлөөлөгчдийг чөлөөлөх тухай асуудлыг хэлэлцлээ.
Сонгуулийн дүнгээр Нийслэлийн ИТХ-ын доорх төлөөлөгчид Улсын Их Хурлын гишүүнээр сонгогдсон. Үүнд:
- Жуковын Алдаржавхлан
- Наранцэцэгийн Алтаншагай
- Нацагдоржийн Батсүмбэрэл
- Хөххүүгийн Болормаа
- Пүрэвжавын Ганзориг
- Пүрэвсүрэнгийн Наранбаяр
- Даваахүүгийн Пүрэвдаваа
- Доржзовдын Энхтуяа
Монгол Улсын Үндсэн хуульд Улсын Их Хурлын гишүүн нь Ерөнхий сайд, Засгийн газрын гишүүнээс бусад хуулиар тогтоогдсон үүрэгт үл хамаарах ажил, албан тушаал хавсарч болохгүй гэж заасан байдаг. Мөн Улсын Их Хурлын тухай хуульд УИХ-ын гишүүнээр сонгогдохоос өмнө эрхэлж байсан ажил, албан тушаалаас Улсын Их Хурлын гишүүний тангараг өргөхөөс өмнө чөлөөлөгдсөн шийдвэр гаргуулсан байх заалттай.
Тиймээс Нийслэлийн ИТХ өнөөдөр ээлжит бусаар хуралдаж,Улсын Их Хурлын гишүүнээр сонгогдсон төлөөлөгчдийг хүсэлтийнх нь дагуу НИТХ-ын төлөөлөгчөөс чөлөөллөө.
Эх сурвалж: НИТХ
