Өвөрхангай аймгийн Хархорин сумын удирдлагаас “Байгаль хамгаалал-2024” нэгдсэн үйл ажиллагааны хүрээнд орон нутгийн хөгжлийн сангийн санхүүжилтээр сумын нэгдсэн хогийн цэгийг ландфилын аргаар булшлах ажлыг Девсофт ХХК-тэй хамтран зохион байгууллаа.
Уг ажлын хүрээнд олон жилийн хур хогийн цэгийн 27 га газарт тархсан хог хаягдлыг булшлан, шороон далан бүхий 8.5 га шинэ хогийн цэгийг байгууллаа. Шинээр байгуулсан хогийн цэгт хуурай хог хаягдал, шингэн хог хаягдал, эмнэлгийн хог хаягдал, аюултай хог хаягдал хаях талбайг тус тусад нь бэлтгэв.
Хүрээлэн байгаа орчинд үүсэж болзошгүй сөрөг нөлөөлөл, ахуйн болон аюултай хог хаягдлыг бууруулах ажилд бүх нийтээр хариуцлагатай хандаж, эх үүсвэр дээр нь бууруулах, байгаль орчиндоо ээлтэй хариуцлагатай байхыг Экологийн цагдаагийн алба, Тээврийн цагдаагийн алба, Нийслэлийн цагдаагийн удирдах газраас уриалж байна.
