Түүхэн дурсгалт газар болон авто зам дагуух үйлчилгээний байгууллагуудын мэдээллийг “Google map”-д байршуулахаар бэлтгэж буйгаа Зам, тээврийн хөгжлийн яамнаас өчигдөр мэдээлэв. Үүний хүрээнд олон улсын авто зам дагуух хоолны газар, автомашины засварын төв, эмийн сан зэрэг үйлчилгээний байгуулагын байршил болон цагийн хуваарийн мэдээллийг цахим газрын зурагт байршуулахаар бэлтгэж буй гэнэ. Түүнчлэн түүхэн дурсгалт, байгалийн үзэсгэлэнт газрын мэдээллийг ч “Google map”-д оруулах аж. Тухайн бүсийн байршлынх нь талаар дэлгэрэнгүй мэдээлэл багтааснаараа онцлогтой юм байна. Эхний ээлжид баруун бүсийн мэдээллийг бэлтгэж, цахим газрын зурагт байршуулахаар төлөвлөжээ.
Бэлтгэсэн А.Үүлээ
