Өнөөдөр гадаа 24 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Зургадугаар сарын 19-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 171 дэх өдөр бөгөөд он дуусахад 195 хоног үлдлээ.
- Цаг агаар өдөртөө 24 хэмийн дулаан бол шөнөдөө 12 градус дулаан байх нь ээ.
- Билгийн тооллын 13, Хонгорцог одтой, хөх бар өдөр. Өдрийн наран мандах, жаргах цаг нь 4:53-20:55. Тухайн өдөр нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, хараал, жатхыг буцаах, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, андгай тангараг, гэрээ, хэлцлээ буцаахад сайн. Золиг гаргах, бомбын үйл, хүүхэд хөлд оруулахад муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал жаргал ирнэ.
- Валют арилжааны төвд ам.долларын авах ханш 3360.00 төгрөг, зарах нь 3387.00 төгрөг байна. Харин рублийн авах ханш 38.20, зарах ханш 38.80, юанийн авах ханш 463.00, зарах ханш 468.80, вонийн авах ханш 2.26, зарах ханш 2.49 төгрөг байна.
Өнөөдөр болох онцлох үйл явдлууд:
- 08.30 цагаас Засгийн газрын ээлжит хуралдаан Төрийн ордонд болно.
- МҮХАҮТ, БНСУ-ын “Сигма” компани хамтран “Монгол Улс, БНСУ-ын Бусан хотын бизнесүүд хоорондын B2B уулзалт” зохион байгуулна.
- 09.00 цагт Европын Сэргээн босголт, хөгжлийн банкны санхүүжилтээр, Байгалийн баялгийн засаглалын хүрээлэн “Монголын дата клуб” иргэний нийгмийн болон хэвлэл мэдээллийнхэнд зориулан “Олборлох салбарын өгөгдлийн шинжилгээ ба дүрслэл” сургалт уулзалт зохион байгуулна.
Энэ өдөр дэлхийн түүхэнд:
- 2009 онд Баруун хойд Пакистан дахь дайн: Пакистаны Зэвсэгт хүчин Холбооны захиргаатай омгийн бүсийн Өмнөд Вазиристан дүүрэгт Талибан болон бусад исламист босогчдын эсрэг Рах-е-Нижат ажиллагааг эхлүүлэв.
- 2012 онд WikiLeaks сайтыг үндэслэгч Жулиан Ассанж АНУ-ын арми энгийн иргэдийн амийг хөнөөсөн талаарх бичлэг, нууц баримтуудыг нийтэлснийхээ дараа Лондоны Эквадорын Элчин сайдын яаманд орогнол хүссэн.
- 2020 онд Амьтны эрхийн төлөө тэмцэгч Реган Рассел Онтариогийн Бурлингтон дахь гахай нядалгааны газрын гадаа ачааны машинд дайруулж нас баржээ.
