NBA-ийн 2023-24 оны улирлын цалингийн дээд хэмжээ нь 135.021 сая ам.долларт хүрлээ. Улмаар хамгийн үнэтэй тамирчны жагсаалтыг “Голден Стэйт Уорриорс” багийн супер од Стивен Көрри энэхүү жагсаалтыг гурван удаа тэргүүлсэн. 2024 онд мөн хамгийн өндөр орлоготой тамирчдын эхэнд бичигдэж байна. Түүний цалин 51.9 сая ам.долларт хүрчээ. Тэрбээр 2021 онд багтайгаа дөрвөн жилийн гэрээ байгуулж, улмаар гэрээгээ сунгасан юм. Мөн Лигийн багуудыг зах зээлийн үнэлгээгээр “Голден Стэйт Уорриорс” баг 7.7 тэрбум ам.доллараар түүчээлдэг. NBA-ийн багуудын ашиг орлого нэмэгдэж, үнэлгээ өсөж, тамирчдын цалин жил ирэх бүр нэмэгдсээр байна. 2023 онд тус лигийн 30 баг бүгдээрээ анх удаа 2 тэрбум ам.долларын үнэлгээг давсан статистик ч бий.
Фоеникс Санс багийн шилдэг тамирчин Кевин Дурантын цалин 47.6 сая ам.долларт хүрч, дээрх жагсаалтыг хоёрдугаарт бичигджээ.
Л.А Лэйкерс багийн супер од Леброн Жеймс хамгийн үнэтэй тамирчдын нэг билээ. Түүний цалин 47.6 сая ам.доллараар илэрхийлэгдэж, дээрх жагсаалтын гуравдугаарт бичигдэж байна.
Харин Денвер Наггетс багийн шилдэг тамирчин, Сербийн од Никола Иокичийн цалин 47.6 сая ам.долларт хүрч, дээрх жагсаалтын дөрөвдүгээрт эрэмбэлэгджээ.
