2024 оны чөлөөт, сонгомол бөхийн Ази тивийн аварга шалгаруулах тэмцээн Киргизстаны нийслэл Бишкек хотод болж буй. Тэмцээний эхний өдөр эрэгтэйчүүдийн 65 кг-ын жинд өрсөлдсөн Монгол Улсын гавьяат тамирчин Т.Тулга мөнгөн медалиар энгэрээ мялаалаа. Ингэснээр тэр Азийн аваргын хошой мөнгөн медальтан болов. Үүний дараа 79 кг-д олон улсын хэмжээний мастер Э.Бямбадорж финалд дэлхийн аваргын мөнгө, хүрэл медальт Ираны Мохаммед Ашгерт 12:2-оор ялагдал хүлээснээр мөнгөн медалийн эзэн боллоо.
Гэрэл зургийг Монголын спортын сэтгүүлчдийн холбооны гэрэл зурагчин Д.Нямбилэг, Д.Байгаль нар
