МУИС-ийн номын санд бусад сургуулийн оюутнууд болон ерөнхий боловсролын сургуулийн сурагчид 3000 төгрөг төлөөд 09.00-18.00 цагт үйлчлүүлэх боломжтой. Түүнчлэн МУБИС, ХААИС, СУИС, АШУҮИС, ШУТИС зэрэг сургуулийн оюутнууд ховор номын уншлагын танхимд үнэ төлбөргүй үйлчлүүлнэ. Ингэхдээ эрдэм шинжилгээний уншлагын танхимд сууж болно. Үүнд нь тус номын санд байх бүх бүтээл, магистр, докторын зэргийн судалгааны ажлууд ч бий аж. Улирлын, явцын шалгалтын үед номын саначаалал ихтэй байдаг. Тэгвэл энэ үед бусад сургуулийн оюутан, сурагчдыг номын санд суулгадаггүй юм байна. Мөн зуны улиралд үйлчлүүлэгч цөөн байдаг тул эрдэм шинжилгээний фонт нь л ажилладаг гэнэ. Түүнчлэн гаднын үйлчлүүлэгчид гэрээр ном уншихаар авах боломжгүй. Тиймээс catalog.num.edu.mn цахим хуудсаар дамжуулан өөрт хэрэгтэй номоо байгаа, эсэхийг нь шалгаж үзээд, танхимд нь унших боломжтой аж.
Бэлтгэсэн А.Үүл
