Монгол Улсын Засгийн Газрын 37-р тогтоолын дагуу эх хэлний боловсролын чанар, хэрэглээ, иргэдийн харилцааны соёл, эх хэлний дархлааны түвшинг сайжруулах зорилготой Их дээд сургуульд элсэн суралцах оюутнууд “Монгол хэл бичгийн шалгалт”-д заавал хамрагдсан байна. Монгол хэл бичгийн шалгалт 2024 оны дөрөвдүгээр сарын 6-ны өдөр 10:00-11:40 цагт зохион байгуулагдах аж. Шалгалтын даалгаврыг шалгалтын дэвтэр дээр хөх, цэнхэр өнгийн үзгэн болон тосон балаар гүйцэтгэнэ гэдгийг зохион байгуулагчид хэллээ. Монгол хэл бичгийн шалгалтын босго оноо 400.
Монгол хэл бичгийн шалгалтыг Улаанбаатар хотын дүүргүүдийн төв байрнуудад авна. Эдгээр байршлын мэдээллийг салбар яамны сайтад байршуулжээ.
