“Ахлагчийн жил”-ийн хүрээнд Цэргийн гавьяаны одонт хилийн цэргийн 0151 дүгээр ангиас 1974, 1977 онуудад хугацаат цэргийн албаа хаасан дайчдыг хүлээн авч гурван үеийн уулзалт өдөрлөг зохион байгууллаа. Тус арга хэмжээний хүрээнд тухайн үеийн ангийн байрлал болох Хилийн цэрргийн 0208, 0164 дүгээр ангудад очиж үйл ажиллагаатай танилцах, дурсгалын зураг татуулах арга хэмжээнүүд зохион байгуулагдсаны дараагаар Хилийн цэргийн 0151 дүгээр ангийн байрлалд хүрэлцэн ирж алба үйл ажиллагаатай танилцах, бие бүрэлдэхүүн болон холбоо, англи хэлний сургалтад хамрагдаж байгаа бүрэлдэхүүнтэй дурсамж уулзалт ярилцлага зохион байгуулж, Цахилгаан хөгжмийн “Долгион” хамтлаг урлагийн тоглолт толилуулан, хүндэтгэлийн зоог, дурсгалын зүйлс гардуулах арга хэмжээнүүд зохион байгуулагдлаа. Энэхүү арга хэмжээнд 1977 оны хугацаат цэргийн албан хаагч МУ-ын гавьяат багш Н.Батбаяр, 1977-1983 онд ангийн захирагчаар ажиллаж байсан бэлтгэл хурандаа Я.Намсрай, 1991-2012 онд ангийн захирагчаар ажиллаж байсан МУ-ын гавьяат холбоочин, бэлтгэл хурандаа Ц.Цэрэндорж, одоогийн ангийн захирагч хурандаа Г.Ган-Эрдэнэ, 1974, 1977 онд алба хаасан дайчид оролцсоноороо онцлог арга хэмжээ боллоо
