Зэвсэгт хүчний 084 дүгээр ангийн шүхэрчин дайчид шүхрийн буултаа амжилттай гүйцэтгэчихээд ангийн захирагчдаа баяртайгаар илтгэх агшин. Хамгийн гоё илтгэл. Өгөгдсөн үүрэг бүрийг амжилттай гүйцэтгэчхээд ингэж илтгэх өөрөө хамгийн гоё.
Энэ удаагийн буултын нэг онцлог нь 2006 оноос хойш явагдаагүй шүхрийн сургалт, дадлагын буултын 9 дүгээр дасгал болох “Ой модонд шүхрээр буух буулт”-ыг 18 жилийн дараа 24 шүхэрчид гүйцэтгэж, ур чадвараа нэмэгдүүлсэн байна.
Шүхрийн дадлага буултын үеэр бөөрөнхий хэлбэрийн шүхрээр буудаг 6 шүхэрчин ур чадвараа нэмэгдүүлэн далавч хэлбэрийн шүхрээр буух эрхээ авч, нийт 20 цагийн нислэгээр 680 удаагийн буултыг зохион байгуулж, бие бүрэлдэхүүнийхээ дадлага, ур чадварыг нэмэгдүүлжээ.
