Спортын ертөнцийн нэр хүндтэй шагналуудын нэг болох “Laureus world sports academy”-ийн 2023 оны шилдэгт нэр дэвшигчдийн нэрс тодорхой боллоо. Өнгөрсөн оны шилдэг тамирчин алдрын төлөө хөл бөмбөгч Л.Месси, теннисчин Н.Жокович, “Формула-1”-ийн дэлхийн аварга М.Ферстаппен нарын од өрсөлдөх юм. Тэдэн дээр тулгууртай харайгч А.Дюплантис, Америкийн нэртэй гүйгч Н.Лайлс, “Манчестер сити”-гийн довтлогч Э.Холанд нар нэмэгдэж байна.
Оны шилдэг эмэгтэй тамирчин алдрын төлөө “Барселона” багийн хөл бөмбөгч А.Бонмати, дэлхийн чансааг тэргүүлэгч теннисчин И.Свентек, уулын цаначин М.Шиффрин, гүйгч Ш.Жексон, Ф.Кипьегон, Ша’Карри Ричардсон нар өрсөлдөнө. Харин оны шилдэг багийн төрөлд гольфын Европын эрэгтэйчүүдийн шигшээ, Германы сагсан бөмбөгийн шигшээ, “Манчестер сити”, “Формула-1”-ийн “Ред булл”, ӨАБНУ-ын рагбигийн баг, Испанийн хөл бөмбөгийн эмэгтэй баг нэр дэвшжээ.
