Хилэнт эх хэмээх модон луу жилийн сар шинийн баярт зориулсан Улс, аймгийн алдар цолтой 256 бөхийн барилдааны гурвын даваа өнөөдөр буюу 2024 оны хоёрдугаар сарын 9-ний 13.00 цагаас Монгол бөхийн өргөөнд болно. Гурвын даваа эхлэхдээ бөхчүүдийн цолыг дууддаг учиртай. Тодруулбал, наадам болон сар шинийн барилдааны гурав, тав, долоогийн даваанд зүүн, баруун талын тэргүүн болон дагавар магнайн бөхчүүдийн цолыг тогтсон уламжлал, баталсан зааврын дагуу нийтлэг гуншин тухайн бөхийн өөрийн нь цол, чимгийг хэлж дууддаг. Наадмаас бусад барилдааны гурвын даваанд цол дууддаг тул энэ удаагийн сар шинийн барилдаанд ч мөн цол дуудна.
