Говийн их дархан цаазат газрын "Б" хэсгийн нийт нутаг дэвсгэрт хяналт шалгалт, мониторингийн ажлыг хэрэгжүүлэн ажиллажээ. Дархан цаазат газрын нийт нутаг дэвсгэрт цас их хэмжээгээр цасан бүрхүүл тогтож, тал газарт 15-20 см, уулархаг болон гуу жалганд 40-52 см зузаантай цасан бүрхүүл тогтоод байна.
Тус хэсэгт Говь-Алтай, Ховд аймгийн таван сумын нутаг дэвсгэр хамаардаг аж. Говийн их дархан цаазат газрын “Б” хэсгийн "Хонь ба Тахь усны баянбүрд" газарт сэргээн нутагшуулж байгаа тахийн 21 үржлийн сүрэг, азарган үрээний 4 сүрэг нийт 273 тоо толгой тахь бүртгэж, ажиглалтын хүснэгтэнд бүртгэв.
Сэргээн нутагшуулж буй 25 тахь сүргийн 273 тоо толгойд биотехникийн арга хэмжээ авч, 185 пресс өвс тавив.
