Соёлын сайд Ч.Номин 54 дэх удаагийн Дэлхийн Эдийн Засгийн чуулганы үеэр trip.com группийн Гүйцэтгэх захирал Жейн Сантай уулзаж, аялал жуулчлалын салбарт хамтран ажиллах боломжийн талаар санал солилцлоо.
Уулзалтаар Соёлын сайд Ч.Номин Монгол Улсын Засгийн газраас баримталж буй аялал жуулчлалын бодлого болоод соёлын аялал жуулчлалын бүтээгдэхүүн үйлчилгээг хөгжүүлэх бодлогоо танилцууллаа. Монгол Улсын Засгийн газраас 2023-2025 оныг Монголд зочлох жил болгон зарласантай уялдуулан “Go Mongolia” үндэсний брэндинг албан ёсоор танилцуулсан. Үүнтэй холбогдуулан trip.com платформын бизнес загвар болох контентоор дамжуулан аялал жуулчлалын бүтээгдэхүүн сурталчлан танилцуулах, борлуулах чиглэлд хамтран ажиллахаар санал солилцлоо.
Trip.com нь дэлхий даяар 200 гаруй улс орон, бүс нутагт 1.4 сая гаруй зочид буудал, 5000 гаруй хотыг холбосон хоёр сая гаруй нислэгийн сүлжээ бүхий платформ юм.
