Хилийн инженерийн гэх тодотголтой 0252 дугаар анги хугацаат цэргийн алба хаагчдын хувь хүний хөгжлийг дэмжих, мэргэжил эзэмшихэд нь дэмжлэг үзүүлэх, жолооны дамжаанд суралцуулах зэрэг бүтээлч ажлуудыг өрнүүлж байна.
Тодруулбал, Багануур дүүргийн “Тэнүүн зам” жолооны сургалтын төвтэй хамтран жолоодох эрхийн “В” ангиллын сургалтыг ангийн төвд зохион байгуулж байна. Нийт 64 хугацаат цэргийн алба хаагчийг алба хаах хугацаанд жолооч мэргэжил эзэмшүүлэхээр сургалтыг эхлүүлээд байна.
