Монгол Улсын Их Хурлын гишүүн, Зам, тээврийн хөгжлийн сайд С.Бямбацогт цаг үеийн асуудлаар, цахим хуудсаараа дамжуулан өөрийн байр сууриа илэрхийлжээ..
Тэрбээр “Тaвантолгой-Гашуунсухайт чиглэлийн тусгай зориулалтын авто зам эзэмшигч нь Эрдэнэс Монгол ХХК.
Нүүрс тээврийн нэг машинаас 500 шахам мянган төгрөгийн хураамж авдаг гэж тооцвол энэ компани өдөрт 600 сая төгрөг, сард 18 тэрбум, жилд 200 гаруй тэрбум төгрөг жолооч нараас авч байна. Тэгсэн атлаа тээвэрчдийн аюулгүй байдлыг хангах ажил нь "тэг" үзүүлэлттэй.
Зам эвдрэлтэй, засвар арчлалт хийдэггүйгээс бараг өдөр бүр аваар осол гарч амьдралынхаа төлөө зүтгэж буй эгэл жолооч тээвэрчид амь нас эрүүл мэндээрээ хохирч байна” гэв.
