Шинэ автобуснуудыг Сүхбаатарын талбай дээр байршуулан, олон нийтэд нээлттэй үзүүлж байна.
Автобусуудыг 2023 онд үйлдвэрлэсэн бөгөөд Монгол Улсын Авто тээврийн тухай хууль замын хөдөлгөөний дүрэм, тээврийн хэрэгсэлд тавих ерөнхий шаардлага, авто тээврийн хөдлөх бүрэлдэхүүний эргономикийн үзүүлэлтүүд нь MNS4599 2003 стандартыг хангасан гэнэ. Мөн зөв талдаа жолооны хүрдтэй Багтаамжийн хувьд иргэд сууж зорчих боломжтой суудлын тоо 26-30 (+1), зогсож зорчих боломжтой хүний тоо 50-аас дээш буюу нийт зорчигчийн тоо 80-аас дээш багтаамжтай аж. Автобусны урт 10-11 метр (+-0.5), өргөн 2.4-2.5 метр (+-0.05), өндөр 3-3.3 метр (+-0.05) Эргэлтийн радиус 12 метрээс ихгүй гэнэ.
Хөдөлгүүрийн хувьд евро 5, босоо байрлалтай хөдөлгүүрийн эзлэхүүн нь 8,400cc, цилиндрийн тоо 6-8, чадал нь 280-350 морины хүчтэй. Түлшний систем нь ус тусгаарлагч болон бусад механик хольцыг шүүх, цэвэрлэх төхөөрөмжтэй. Шатахууны савны хэмжээ 200 литр ба түүнээс дээш Дээд хурд нь 70 км/цаг ба хурдны хязгаарлалттай Хурдны хайрцаг автомат эсвэл механик байж болно.
Хүйтний улиралд -40 градус хүртэл хөлдөхгүй, хийн систем нь автомат Автомат төвлөрсөн системтэй. Зорчигчид зориулсан хоёр хаалгатай байх ба хаалга бүрийн дээр гэрэлтүүлэгтэй. Автобусны хана тааз шал нь халуунаас болон хүйтнээс тусгаарлах галд тэсвэртэй материалаар хучигдсан байх бөгөөд битүүмжлэл сайтай. Шал нь зорчигчдыг гулгаж, халтирахаас сэргийлсэн эдэлгээ даах материалаар хийгдсэн. Шалны түвшнээс дээш 1-3 гишгүүртэй. Жолоочийн бүхээг нь зорчигчдын танхимаас тусгаарлагдсан. Өвөл, зуны улиралд халуун хүйтнээр үлээх төхөөрөмжтэй. Суудал аюулгүйн гурван цэгийн бүстэй, биед чийг татахгүй. Зорчигчдод зогсоол зарлах чанга яригчтай.
Автобусны дотор талд зорчигчдод зориулсан хоёр дэлгэц, ледтэй. Заалны чанга яригчтай. Хяналтын камер найман ширхгээс дээш бөгөөд онлайн горимд ажиллах боломжтой. Урд хойд заал руу харсан, дуу дүрс бичдэг, зорчигчдод зориулсан бэлэн мөнгөний хайрцагтай байх зэрэг шаардлагыг хангасан хэмээн албаныхан мэдээллээ.
