Зам, тээврийн хөгжлийн сайдын 2022 оны долдугаар сарын 6-ны өдрийн А/207 тоот тушаалаар батлагдсан “Tээврийн хэрэгслийн улсын бүртгэлийн дугаарын дуудлага худалдааг зохион байгуулах журам”-ын хүрээнд тээврийн хэрэгслийн улсын бүртгэлийн дараах дугааруудыг худалдах нээлттэй цахим дуудлага худалдааг зарлаад байна. Тус худалдаа наймдугаар сарын 21-ний өдрөөс есдүгээр сарын 14-ний өдрийн хооронд www.auction.transdep.mn сайтаар зохион байгуулагдана. Дуудлага худалдаанд оролцогч тухайн өдрийн дуудлага худалдаанд нэг л удаа оролцох эрхтэй. Оролцогчдыг тухайн оролцож буй дуудлага худалдаа явагдахаас 3 хоногийн өмнөөс эхлэн цахимаар бүртгэн дэнчинг хүлээн авах бөгөөд дуудлага худалдаа явагдах өдрийн өмнөх өдөрт 23 цаг 00 минутад бүртгэл хаагдана.
Дуудлага худалдаанд тавих дэнчингийн хэмжээ:
000А, АААА дугаар - 2,000,000 /хоёр сая төгрөг/;
00А0, 0ААА, А000, 00АА, 0А00 дугаар - 500,000 /таван зуун мянган төгрөг/;
00АВ, АВАВ, АВВА, ААВВ, ААА0, АААВ болон бусад 20 дугаар, орон нутгийн дугаар - 100,000 /нэг зуун мянган/ төгрөг
