Киргизийн Бишкек хотод энэ сарын 18-25-нд зохион байгуулсан, Төв Азийн волейболын холбооны “CAVA volleyball nationes league-2023” аварга шалгаруулах тэмцээнд Монгол Улсын волейболын эрэгтэйчүүдийн үндэсний шигшээ багийнхан оролцлоо. Манайхан эхний тоглолтоо Непал улсын багийнхантай өрнүүлэн, 3:1-ээр буулган авч, тэмцээнээ үргэлжлүүлсэн. Тэгвэл медалийн төлөөх тоглолтод Узбекистаны баг тамирчдыг 3:2-оор илүүрхэн, хүснэгтийн III байрт жагсаж, хүрэл медаль хүртлээ.
Ташрамд өгүүлэхэд, Индонез улсад өдгөө болж буй Азийн эмэгтэйчүүдийн шигшээ багийн “Challenge cup” аварга шалгаруулах тэмцээнд эмэгтэй волейболчид өрсөлдөж байгаа аж.
