Монголын мэргэжлийн спорт автомашины холбоо, нийслэлийн ЗДТГ, “Vip auto club” хамтран “Авто худалдааны цогцолбор”-т “Power expo” фестиваль зохион байгуулж байна. Уг арга хэмжээг Олон улсын хүүхдийн эрхийг хамгаалах өдрөөр нэгдсэн парад, “Хү” хамтлагийн тоглолтоор нээсэн бол өнөөдрөөс энтертайнмент, экстрим тэмцээн, уралдаанууд явуулж, ховор, үнэ цэнтэй төмөр хүлгүүдийг олон нийтэд танилцуулан, урлагийн тоглолт толилуулах аж. Дрифтийн спортыг сурталчлан таниулах чиглэлээр олон арга хэмжээ зохион байгуулж ирсэн “Vip auto club” энэхүү фестивалийг санаачилжээ. Энэ нь авто, мото спорт сонирхогчдыг дэмжих, залууст чөлөөт цагаа зөв, боловсон өнгөрөөх боломж олгохоос гадна автомашин импортлогч, борлуулагч аж ахуйн нэгжүүдийг таниулах зорилготой гэнэ. “Баян, гуалиг, хүчирхэг” уриатай фестиваль дөрвөн өдөр үргэлжлэх нь.
