Дорнод аймгийн Баян-Уул сумын 2 дугаар багийн нутаг Улаан-Өндөр гэдэг газарт 2022 оны арваннэгдүгээр сарын 23-ний өдөр зэрлэг махчин амьтанд хөөгдсөн байх магадлалтай эрүүн доороо шархтай бугын илий буюу төлийг тус багийн малчин аварчээ. Тодорхой хэлбэл, тус нутагт өвөлжиж буй малчин н.Баасандорж илийг тэжээж тэнхрүүлж байна. Аймгийн байгаль орчин аялал жуулчлалын газар, сумын байгаль хамгаалагч газар дээр нь ажиллаж мэргэжил аргазүйн зөвлөгөө өгчээ. Улмаар тус амьтныг тэжээхэд шаардлагатай өвсийг хүргэж өгөв. Тус бугын илийг хавар ногоо гарах үед буга ихээр өсөж буй газрыг сонгон малчин айлаас хол газарт зөөвөрлөн тавихаар шийдвэрлэсэн байна.
