“Алдар” спорт хорооны тамирчин, ОУХМ Б.Тэгшбаяр Тайландын мэргэжлийн дугуйн “Roojai online insurance” багт нэгдэн хурд сорьж буй билээ. Тэрбээр тус улсад зохион байгуулсан энэ оны эхний тэмцээн болох “Tour de CMU” олон улсын олон өдрийн уралдаанд оролцон, II гараанд мөнгөн медаль хүртэж, нийлбэр дүнгээр IV байрт жагсжээ. Б.Тэгшбаяр өдгөө АНЭУ-д үргэлжилж буй, “Парис-2024” олимпын эрхийн оноо олгох “Tour of Sharjah” олон улсын тэмцээнд 24 багийн 144 тамирчинтай өрсөлдөж байна. Манай угуйн тамирчдаас мөн С.Жамбалжамц Малайзын мэргэжлийн дугуйн “Terengganu” багт нэгдсэн билээ. Тэрбээр Саудын Арабад өчигдөр хэлсэн “Tour of Saudi” олон өдрийн уралдаанд оролцож буй аж. Тус тэмцээнд шилдэг 16 багийн 112 тамирчин оролцож байгаа бөгөөд таван өдөрт 830 км зам туулж, дүнгээ гаргана. Энэ нь мөн олимпын эрхийн оноо олгох тэмцээн юм.
