Хилийн цэргийн 0252 дугаар анги нь түүхт 50 жилийнхээ ойг тохиолдуулан Багануур дүүрэгт 2023 оны классик пауэрлифтингийн аварга шалгаруулах 4 дэх удаагийн тэмцээнийг байгууллагын нэрэмжит болгон зохион байгууллаа.
Тэмцээнд дүүрэг орон нутгийн пауэрлифтингийн холбооны 40 тамирчид болон ангийн 10 алба хаагч оролцсон юм. Уг арга хэмжээний үеэр пауэрлифтингийн спортын төрлөөр улс, дүүрэг, байгууллагын хэмжээнд анги хамт олныхоо нэрийг өндөрт өргөж, өөрийн авьяас чадвараа тогтмол хөгжүүлж яваа пауэрлифтингийн спортын ОУХМ, Ази тивийн хошой мөнгөн медаль, Монгол Улсын зургаан удаагийн аварга, Багануур дүүргийн зургаан удаагийн аварга, Зүүн бүсийн дөрвөн удаагийн аварга, Говь цөлийн бүсийн хоёр удаагийн аварга, Хууль зүй, дотоод хэргийн яамны харьяа агентлагуудын дунд пауэрлифтингийн аварга шалгаруулах тэмцээнд хоёр удаа түрүүлж цомын аварга, ахлах ахлагч Д.Батсайханы амжилтыг алдаршуулан, хүндэтгэл үзүүлжээ.
