2022-2023 оны хичээлийн жилийн нэгдүгээр улиралд мэргэжлийн боловсрол, сургалтын байгууллагыг улсын хэмжээнд 8611 суралцагч төгсөнө. Монгол Улсын Засгийн газрын 2022 оны 03 дугаар сарын 16-ны өдрийн 122 дугаар тогтоолын дагуу суралцагчид төгсөхөд нь нэг удаа тэтгэлэг олгож байна.
Суралцагчийн төгсөлтийн үнэлгээ хийх үйл ажиллагаа 2023 оны 01 дүгээр сарын 02-ны өдрөөс эхэлсэн бөгөөд төгсөлт хийсэн тухай бүрд политехник коллеж, мэргэжлийн сургалт, үйлдвэрлэлийн төвүүдээс ирүүлсэн холбогдох баримт бичиг, цахим системийн мэдээлэлд үндэслэн журмын дагуу тэтгэлгийг олгоно. Товчхондоо, 8611 суралцагчийн тэтгэлгийг энэ сарын 18-наас өмнө олгох юм байна.
