АНУ-ын Лас Вегас хотод бодибилдинг, фитнессийн “Мистер олимпиа” тэмцээн болж байгаа бөгөөд 60 орны 900 орчим тамирчин өрсөлдөж байна. Энэ тэмцээнд манай улсаас эрэгтэйчүүдийн 70 кг-ын жинд гавьяат тамирчин Гансүхийн Дорж алтан медаль хүртэж, төрийн дуулалаа эгшиглүүлэв. Г.Дорж нь өнгөрсөн жилийн тус тэмцээнд түрүүлсэн бөгөөд хошой аварга болж байна. “Мистер олимпиа” тэмцээнийг бодибилдинг, фитнессийн спортын “олимп” хэмээн нэрийддэг бөгөөд энэхүү тэмцээнээс алтан медаль хүртсэн цор ганц монгол тамирчин нь Г.Дорж юм.
