Ховд аймгийн Манхан сумын нутаг дэвсгэр Ботгоны хавцал гэх газарт өчигдөр шатахуун ачсан машин онхолдлоо.
Тус аймгийн цагдаагийн бүрэлдэхүүн хэргийн газарт очиход “Beiben North Benz” загварын шатахуун ачсан /цистерн/ тээврийн хэрэгсэл онхолдож, жолооч 51 настай, эрэгтэй “Т” болон зорчигч 44 настай, эрэгтэй “Ш” нар амиа алдсан байжээ. Цагдаагийн байгууллага хэргийг үргэлжлүүлэн шалгаж байна.
Улмаар цагдаагийн байгууллагаас жолооч та бүхэн орон нутгийн замд зорчихдоо цаг агаарын болон замын нөхцөл байдлын талаар мэргэжлийн байгууллагаас өгч буй мэдээллийг авч, тээврийн хэрэгслийн бүрэн бүтэн байдлыг сайтар хангах, замын хөдөлгөөний дүрмийг баримтлан хурд хэтрүүлэхгүй, болгоомжтой зорчихыг анхаарууллаа.
Бэлтгэсэн Б.Мөнхсайхан
