Монгол, Германы Засгийн газар хооронд байгуулсан гэрээний хүрээнд “Монгол Улсын байгаль орчинд ээлтэй уул уурхай” төслийг ирэх оны нэгдүгээр сарын 1-нээс хэрэгжүүлэхээр болсон. Тэгвэл Германы гео шинжлэх ухаан, байгалийн нөөцийн холбооны хүрээлэнгийн зохицуулагч, мэргэжилтнүүд, БОАЖЯ-ны холбогдох албан тушаалтнууд төслийн үнэлгээний сүүлийн хурлыг хийж, харилцан зөвшилцлийн санамж бичигт гарын үсэг зуржээ. 36 сарын хугацаанд 1000 га-гаас доошгүй талбайд нөхөн сэргээлт хийхээр болсон байна. Уул уурхайн үйл ажиллагааны улмаас эвдэрч, эзэнгүй орхигдсон газруудыг үүнд нэн түрүүнд хамруулах гэнэ. Төслийн нийт санхүүжилт нь 2.5 сая евро аж.
Өчигдрөөс илүү маргаашийг
бүтээхийн төлөө
