Бэлчээрийн ургамлын ургалт 7 дугаар сарын 20-ны байдлаар нийт нутгийн 50 орчим хувьд буюу Сэлэнгэ, Орхон, Дархан-Уул, Говьсүмбэр, Дорнодын нийт, Архангай, Хөвсгөл, Булган, Төв, Хэнтий, Сүхбаатарын ихэнх, Баян-Өлгий, Увс, Ховд, Говь-Алтай, Өвөрхангай, Дундговь, Дорноговийн зарим, Завхан, Баянхонгор, Өмнөговийн ганц нэг сумдын нутгаар сайн, 40 гаруй хувьд дунд, 10 орчим хувьд буюу Баянхонгор, Өвөрхангай, Өмнөговийн зарим, Баян-Өлгий, Увс, Ховд, Говь-Алтай, Дундговь, Дорноговийн ганц нэг сумдын нутгаар муу байна.
Мөн газар тариалан бүхий ихэнх нутгаар улаан буудайд ишний доод зангилаа хөрсний гадарга дээр гарах үе шатнаас цэцэглэлтийн үе шатанд явагдаж байгаа бол төмсөнд ихэнх нутагт хажуугийн нахиа үүсэх үе шатнаас цэцэглэлтийн үе шатанд байна. Улаан буудайн өндөр нь сорт болон тариалсан хугацаа, үе шатнаасаа хамааран харилцан адилгүй, 30-94 см байна.
