Нийслэлийн Аялал жуулчлалын газраас хүүхэд багачуудын чөлөөт цагийг зөв боловсон өнгөрүүлэх, эх оронч сэтгэлгээг суулгах, хотын түүх, соёлын дурсгалт барилга байгууламжтай танилцах, аяллын боловсролыг нэмэгдүүлэх зорилгоор “City tour” аяллыг зохион байгуулдаг. Энэ хүрээнд “Ид шидийн орон-2” хүүхэд хөгжлийн төвийн 90 гаруй хүүхдийг Олон улсын хүүхдийн эрхийг хамгаалах өдрийг угтан хотын тусгай аялалд хамрууллаа.
Аяллын үеэр хүүхдүүд Монгол цэргийн музей, Байгалийн түүхийн музей үзэн, “Бишрэлт” ресторанд өдрийн хоол зооглож, Үлэг гүрвэлийн музейгээр зочлон, хэдэн сая жилийн өмнө амьдарч байсан олон төрөл зүйлийн үлэг гүрвэлийн чулуужсан олдворуудыг үзэж сонирхон эртний цаг үеэр аялсан юм. Хүүхэд багачууд маань нэг өдрийг дурсамж дүүрэн, хөгжилтэй өнгөрүүлж, түүхээр аялж мэдлэгээ тэлэн, хүүхдийн баярын бэлгээ гардан авлаа.
