Цагдаагийн алба хаагчид Баянзүрх, Хан-Уул, Сонгинохайрхан дүүргийн нутаг дэвсгэрээс нийт зургаан тээврийн хэрэгсэл хулгайлсан 3 этгээдийг Баянзүрх дүүргийн нутаг дэвсгэрээс дайчлан баривчилж, мөрдөн шалгах ажиллагаа явуулж байна. Шалгалтаар 15 настай, эрэгтэй “Г” нь автомашин хулгайлсан үндэслэлээр өмнө нь шалгуулж байсан бөгөөд 16 настай, эрэгтэй “Б”, 18 настай, эрэгтэй “Ч” нартай бүлэглэн дээрх хэргийг үйлдсэн нь тогтоогдоод байна.
Цагдаагийн байгууллагаас
1. 2022 оны 03 дугаар сарын 27-ноос 28-нд шилжих шөнө Сонгинохайрхан дүүргийн 18 дугаар хороо .... байрны гадна байрлуулсан “Toyota Prius-11” маркийн автомашиныг,
2. 2022 оны 03 дугаар сарын 27-ны өдрийн 22:00 цагийн орчим Хан-Уул дүүргийн 11 дүгээр хороо .... байрны гадна байрлуулсан “Hyunda Sonata-6” маркийн автомашиныг,
3. 2022 оны 03 дугаар сарын 28-ны өдрийн 16:00 цагийн орчим Баянзүрх дүүргийн 22 дугаар хороо .... байрны гадна байрлуулсан “Honda Fit” маркийн автомашиныг,
4. 2022 оны 03 дугаар сарын 29-ний өдрийн 10:00 цагийн орчим Баянзүрх дүүргийн 25 дугаар хороо .... дэлгүүрийн зогсоолд байрлуулсан “Honda CRV” маркийн автомашиныг,
5. 2022 оны 03 дугаар сарын 29-ний өдөр Баянзүрх дүүргийн 8 дугаар хороо .... байрны гадна байрлуулсан “Honda CRV” маркийн автомашиныг,
6. 2022 оны 03 дугаар сарын 31-ний өдрийн 16:00 цагийн орчим Баянзүрх дүүргийн 16 дугаар хороо .... шатахуун түгээх станцын зогсоолд байрлуулсан “Honda CRV” маркийн автомашиныг тус тус хулгайлсныг илрүүлсэн байна.
Улмаар тээврийн хэрэгслүүдийг хохирогч нарт хүлээлгэн өгсөн аж. Иймд тээврийн хэрэгслээ нүдэнд ил харагдахуйц гэрэлтүүлэгтэй газар, болон гарааш, хяналтын камер, харуул хамгаалалттай зогсоолд байршуулж хулгайлах гэмт хэргээс урьдчилан сэргийлээрэй.
