Ачилтын компанийн машин осол гаргажээ. Тээврийн цагдаагийн албаны жижүүрийн шуурхай удирдлагын хэлтэст энэ тухай дуудлага мэдээлэл өчигдөр 2022 оны нэгдүгээр сарын 20-ний 15:05 минутад ирсэн байна. Үүний дагуу Чингэлтэй дүүргийн 1 хорооны нутаг дэвсгэрт тээврийн хэрэгсэл ачиж зөөвөрлөх үйл ажиллагаа эрхэлдэг Бат зэв ХХК-ний "Киа бонго" маркийн автомашин GMobile төвийн байрыг мөргөсөн зам тээврийн осолд үзлэг хийж мөрдөн шалгах ажиллагаа явуулж байна.
