Хөлбөмбөгийн тайлбарлагч Э.Балжинням агсны дурсгалыг хүндэтгэж, түүний гэр бүл, төрөл төрөгсөд нийгмийн сайн үйлсийн “Балжинням сан”-г байгууллаа. Сангийн эхний үйл ажиллагааны хүрээнд Эх хүүхдийн эрүүл мэндийн үндэсний төвд нярайн эрчимт эмчилгээний тасагт нэн шаардлагатай тоног төхөөрөмжүүд болох шарлагын аппарат, пульсоксиметр зэргийг хандивласан байна.
Цаашид тус сангийнхан нийгэм, хүмүүнлэгийн олон талт үйл ажиллагааг тогтмол санаачилан хэрэгжүүлэхээ энэ үеэр илэрхийллээ.
