Өнөөдөр Хот тохижилтын газрын гурван ажилтан Ерөнхийлөгчийн зарлигаар "Алтан гадас" одонгоор шагнуулжээ. Тодруубал,
- С.Жаргалсайхан, ТҮА-ны Зам талбайн мастер,
- Г.Бямбадорж, Автобаазын албаны хог тээврийн ачигч албанд 14 жил ажилласан.
- Н.Батмөнх, Зам талбайн үйлчилгээний албанд 12 жил ажиллажээ.
Г.Бямбадорж "Алтан гадас" одонгоор шагнуулсан баярын сэтгэгдэлээ бидэнтэй хуваалцлаа. Тэрбээр,
"Би өглөө 8.30-19.00 цагийн хооронд замын хог хаягдлыг ачсаар 14 жилийг ардаа үдлээ. Бидний хөдөлмөрийг үнэлж, шагнасанд маш их баярлаж байна. Хүнд, хэцүү нөхцөлд олон жил тасралтгүй ажиллахад хамт олон, гэр бүл минь нөлөөлсөн. Бид энэ нийгэмд гүйцэтгэх ёстой үүргээ биелүүлж, амьдралаа залгуулж яваа гэж боддог" хэмээв.
