Цастай зэрэгцэн нийслэлчүүдийн хувьд замын халтиргаа гулгаанаас үүдэлтэй автомашины түгжрэл эхэлдэг. Тиймээс Улаанбаатар хотын Захирагчийн ажлын алба, Хот тохижилтын газрынхан үүрээс эхлэн хотын замуудад халтиргаа үүсэхээс сэргийлж, зориулалтын бодис болон давс цацаж эхэлжээ. Өнөөдөр нийт 29 тонн давс, бодис цацах юм байна.
Нийслэлийн хэмжээнд зориулалтын бодис 2253.5 тонн, 583 тонн давс нөөцөлжээ. Өнгөрсөн оны өвөл хотын хэмжээнд 440 тонн давс хэрэглэж байсан. Тэгэхээр энэ оны нөөцлөлт хангалттай гэж албаныхан мэдээллээ.
