Хил хамгаалах ерөнхий газрын дарга, Хилийн цэргийн командлагч бригадын генерал Х.Лхагвасүрэн 100 настай ахмад дайчин Т.Бат-Очирт хүндэтгэл үзүүлж, Хил хамгаалах байгууллагын тэргүүн дээд "Сүлдэт багана" шагналыг батламжийн хамт гардууллаа. Уг батламжид "Эрхэм хүндэт Т.БАТ-ОЧИР танаа,Монгол Улсын тусгаар тогтнол, газар нутгийн халдашгүй дархан байдлын төлөө амь биеэ үл хайрлан, өргөсөн тангарагтаа үнэнчээр зүтгэн 1945 оны чөлөөлөх дайнд оролцож хойч үедээ эх орон, тусгаар тогтнол, эрх чөлөөг өвлүүлэн үлдээсэн эрхэм танд 100 насны ойн баярын мэнд хүргэе. Таны эх орныхоо тусгаар тогтнол, хилийн халдашгүй дархан байдлын төлөө оруулсан хувь нэмрийг өндрөөр үнэлж Хил хамгаалах байгууллагын тэргүүн дээд "СҮЛДЭТ БАГАНА" шагналаар шагнав.Таны байгуулсан гавьяаг үе үеийн хилчид бахархан дурсах болно" гэсэн байна.
