АНУ-ын Өмнөд Дакота мужийн Янктон хотод байт харвааны 51 дэх удаагийн ДАШТ өчигдөр чансаа тогтоох урьдчилсан харваагаар эхэллээ. Тус тэмцээний эмэгтэйчүүдийн хувийн харваанд 66 тамирчин цэц сорьсноос Монголын харваач Б.Мөнгөнчимэг 64, С.Болорсайхан 65 дугаар байрт эрэмбэлэгджээ. Хасагдах шатны эхний даваанд Б.Мөнгөнчимэг 48-д жагссан Германы Жулиа Бёнкет, С.Болорсайхан 49-д бичигдсэн Мексикийн Бренда Мери- нотой халз харвана. Эрэгтэйчүүдээс 88 тамирчин сум тавьснаас Л.Отгонбаяр 79, Г.Ган-Эрдэнэ 81, Г.Ганзориг 83 ду- гаар байрт жагсав. Л.Отгонбаяр 34-т би- чигдсэн Канадын Эндрью Фаган, Г.Ган- Эрдэнэ 32-т жагссан Их Британий Адам Равенскрофт, Г.Ганзориг 30-д бичигдсэн Гватемалагийн Хулио Барильястай тус тус учраа таарсан.
Эрэгтэйчүүдийн багийн тэмцээнд 24 орны тамирчид өрсөлдөхөд манайхан урьдчилсан харваагаар 23 дугаар байр эзэлж, X байрт эрэмбэлэгдсэн ОХУ-ын багтай эхний даваанд цэц сорих нь.
Компаунд төрөлд эмэгтэйчүүдийн ба - гийн тэмцээнд 16 баг өрсөлдөж байгаа ч манайхаас энэ удаа оролцсонгүй. Харин холимог багийн төрөлд 27 баг оролцож, Л.Отгонбаяр, Б.Мөнгөнчимэг нар 26-д эрэмблэгдэж хасагдах шатанд харвах боломжгүй боллоо.Олимпын наадмын хөтөлбөрт байт харвааны рекурв төрөл багтдаг. Олимпын аварга, медальтнууд өрсөлддөг болохоор анхаарлын төвд байдаг юм.
Эрэгтэйчүүдийн хувийн урьдчилсан харваанд Д.Дашнамжил 102 тамирчнаас ес, Ж.Гантөгс 60, Э.Нармандах 101 дүгээрбайр эзэлсэн байна. Тэднээс Д. Дашнамжил хасагдах шатны эхний даваанд хийлж, хоёр дахид нь Беларусийн Антон Циерета, Японы Такахару, Фурукава нарын хэн ялсантай учраа таарах юм. Нэгийн даваанд Ж.Гантөгс 53-т эрэмбэлэгдсэн Энэтхэгийн Адитяа Чоуд- харитай, Э.Нармандах 12-т бичигдсэн Финландын Антти Викстремтэй тус тус оноолт таарав.
Эрэгтэйчүүдийн багийн тэмцээнд 26 баг оролцож буй. Монголын баг (Д.Даш - намжил, Ж.Гантөгс, Э.Нармандах) 24 дүгээр байрт орж, 10-т бичигдсэн Украины багтай өрсөлдөнө. Эмэгтэйчүүдийн багийн төрөлд манайх оролцохгүй. Эмэгтэйчүүдийн хувийн харваанд ма- найхаас А.Отгонжаргал ганцаараа оролцож байгаа. Тэрбээр 79 тамирчнаас урьдчилсан харвааны дараа 65-д эрэм - бэлэгдэж, хасагдах шатны эхний да- ваанд 48-д бичигдсэн Италийн Киара Ребалиатитай цэц сорино. Тэгвэл рекурв төрлийн холимог багийн төрөлд 32 баг оролцож, чансаа тогтоох харвааны дараа манай баг (Д.Дашнамжил, А.Отгонжар-гал) 24-т бичигдэж, есдүгээрт бичигдсэн Италийн багийнхантай эхний даваанд таарсан.
МОНГОЛ-ИТАЛИ 5:3 (35:33, 35:32, 33:40, 34:34)
Италийн “Оддын хослол”-ыг буулган авсан Монголын баг ДАШТ-ий эхний өдрийн гол шуугианы эзэн боллоо. Одоо манай багийнхан хоёрын даваанд (1/8) чансааны наймд бичигдсэн Нидерлан- дын багтай өнөөдөр цэц сорих юм.
Италийн баг Мауро Несполи, Лучилла Боари нараар хүч сэлбэжээ. Мауро Нес- поли бол олимпын багийн харваанд алт, мөнгө, Токиогийн эрэгтэйчүүдийн хувийн харваанд хүрэл медаль зүүсэн. ДАШТ-ий алт, мөнгө, хошой хүрэл, тан- химын ДАШТ-ий багийн мөнгө, Европын АШТ-ий хошой алт, таван хүрэл медаль хүртсэн амжилттай.
Тэгвэл Лучилла Боари Токиогийн олимпын эмэгтэйчүүдийн хувийн хар- ваанд хүрэл медаль хүртсэн, Европын наадмын мөнгөн медальтай.
Ийм хүчтэй багтай манай харваачид цэц сорьсон. Холимог багийн төрөлд харваач тус бүр нэг сетэд хоёр, хоёр сум тавих бөгөөд нийлбэр оноогоор ялсан нь хоёр, хэрэв тэнцвэл тус бүр нэг оноо авдаг дүрэмтэй.
Бэлтгэсэн Ц.Энхтүвшин
