Цагдаагийн алба хаагч дүрэмт хувцастайгаа мансуурч буй зураг цахим орчинд нийтлэгдсэн. Үүнтэй холбогдуулан ЦЕГ-ын дэд дарга, хурандаа О.Амарсанаа "Хэргийг шалгахад Орхон аймгийн цагдаагийн алба хаагч, дэд ахлагч Ц.Мөнх-Эрдэнэ нь энэ оны есдүгээр сарын 13-нд ажлаа тараад, бусадтай нийлж мансууруулах бодис хэрэглэсэн болохыг урьдчилсан байдлаар тогтоосон. Бид түүнийг ажлаас нь чөлөөлөх шийдвэр гаргасан бөгөөд Эрүүгийн хуулийн 20.7-д зааснаар хэрэг бүртгэлийн хэрэг нээж, мөрдөн шалгаж байгаа" гэж мэдээллээ.
