Азийн шатрын холбооноос өнгөрсөн сарын 23-31-нд www.tornelo.com сайтад тивийн сургуулиудын аварга шалгаруулах цахим тэмцээн зохион байгуулахад 24 улсын 840 шатарчин оюун ухаанаа сорьжээ. Тус тэмцээнд урьдчилсан дүнгээр “Босоо ноён” клубийн шатарчин Н.Батболд түрүүлж, алтан медалийн болзол биелүүлэв. Тамирчдад шагнал гардуулах цахим арга хэмжээ ирэх бямба гарагт Улаанбаатарынхаар 19.30 цагт болох нь. Сонирхуулахад, дээрх тэмцээний ганцаарчилсан төрөлд өрсөлдсөн тамирчдын дүнг гаргахаас гадна ангилал тус бүрт оролцсон дөрвөн шатарчны нийлбэр дүнгээр багийн шагналыг гардуулах аж.
