МЭӨ 5493 оны энэ өдөр – шашны үзэж буйгаар энэ өдөр ертөнцийг бүтээжээ.1085 оны энэ өдөр
1085 оны энэ өдөр Испанийн хаан VI Альфонсо Толедог хотыг мавруудаас (эртний Мавританийн оршин суугчид) чөлөөлжээ.
1592 оны энэ өдөр - Япон-Солонгосын Имчины дайн эхлэх үеэр Японы арми Пусан, Тонне цайзуудыг эзлэн авчээ.
1644 оны энэ өдөр Мин улсын жанжин У Санги Манжуудтай эвсэн Шанхайгуан даваанд Хятадын Цагаан хэрэмний хаалгыг нээж, Манжийн цэрэгт нийслэл Бээжинд хүрэх боломжийг олгожээ.
1734 оны энэ өдөр Польшийн хаан ширээний төлөөх Итали Австрийн хооронд Битонтогийн тулалдаан болж, Монтемар гүн тэргүүтэй Испанийн цэргүүд Австрийн армийг бут цохижээ.
1809 оны энэ өдөр Чукисакагийн хувьсгал: Латин Америкийн тусгаар тогтнолын дайныг өдөөсөн Испанийн эзэнт гүрний эсрэг Чукисакад (орчин үеийн Сукре) эх орончдын бослого эхэлжээ.
1810 оны энэ өдөр Рио-де-ла-Плата вант улсад (одоогийн Аргентин) хувьсгал гарч Өмнөд Америкийн Нэгдсэн Аймгуудын анхны бие даасан засгийн газрыг байгуулжээ.
1819 оны энэ өдөр Аргентины Үндсэн хуулийг баталжээ.
1833 оны энэ өдөр Чилийн Үндсэн хуулийг баталжээ.
1869 оны энэ өдөр алдарт Венийн дуурийн театр нээгджээ.
1895 оны энэ өдөр Европын уран зохиолын модернизмын эцэг зохиолч Оскар Уайлдыг Лондонгийн шүүх "ёс суртахуунгүй байдал" (ижил хүйстэнтэйгээ харьцаа үүсгэсэн) гаргасан гэж буруутган, хоёр жил хорьж, хүнд хөдөлмөр эрхлүүлэх ял оноожээ.
1940 оны энэ өдөр Германы танкийн дивиз Булонь-сюр-Мер боомтыг эзэлжээ. Франц, Их Британийн сүүлчийн цэргүүд бууж өгснөөр Булонигийн дэргэдэх тулалдаан дуусжээ.
1946 оны энэ өдөр Иордан тусгаар тогтнолоо тунхаглажээ.
1953 оны энэ өдөр АНУ-д анхны ашгийн бус олон нийтийн телевизийн сувгийг нээгджээ.
1953 оны энэ өдөр Невада мужид цөмийн их бууны анхны бөгөөд цорын ганц туршилтыг хийжээ.
1963 оны энэ өдөр Аддис-Абебад болсон Африкийн орнуудын засгийн газруудын I бага хурлаар Африкийн Эв нэгдлийн Байгууллага (OAU) байгуулагджээ. НҮБ-ын шийдвэрээр энэ өдрийг Африкийг чөлөөлөх өдөр болгон зарлажээ.
1981 оны энэ өдөр Эр-Риядад Бахрейн, Кувейт, Оман, Катар, Саудын Араб, Арабын Нэгдсэн Эмират улсын хооронд Персийн булангийн хамтын ажиллагааны зөвлөл байгуулжээ.
1985 оны энэ өдөр Бангладешт далайн хүчтэй шуурга дэгдэж, 10,000 орчим хүн амь үрэгджээ.
1997 оны энэ өдөр Сьерра Леонд цэргийнхэн төрийн эргэлт хийжээ.
2000 оны энэ өдөр Израиль 1982 оны довтолгооноос хойш 18 жилийн дараа Ливаны нутаг дэвсгэрээс армиа татан гаргажээ.
2009 оны энэ өдөр Хойд Солонгос газар доор 20 килотоннын хүчтэй цөмийн туршилт явуулжээ.
2020 оны энэ өдөр хар арьст эр Жорж Флойд цагдаа нарын гарт амь үрэгджээ. Энэ явдал АНУ болон дэлхий даяар арьс өнгөөр ялгаварлан гадуурхах явдлыг эсэргүүцэх хөдөлгөөн өрнөхөд хүргэжээ.
