Өнөөдөр гадаа 25 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
5 дугаар сарын 20-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 141 дахь өдөр бөгөөд он дуусахад 224 хоног үлдлээ.
- Цаг агаар өдөртөө 25 хэмийн дулаан бол шөнөдөө 8 хэм дулаан байх нь ээ.
- Билгийн тооллын 8, Бага морь одтой, шар луу өдөр. Тухайн өдөр хулгана, бич жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавь барилдах, номын ашиг авах, шинэ гэр ба байр авах, лус тахих, хур оруулах, зэтгэрийг номхтгох, хөгжмийн зэмсэг урлах, дархны үйлд сайн.
Гүүр тавих, газар ухах, цөөрөм байгуулахад муу. Өдрийн сайн цаг нь бар, луу, могой, бич, тахиа, гахай болой. Хол газар явах хүн зүүн зүгт мөрөө гаргавал зохистой. Үсээ шинээр үргээлгэх буюу засуулбал нас уртадна хэмээжээ.
- Манай улсын голлох валют болох ам.долларын ханш авах нь 2850.00 зарах нь 2853.00 төгрөгтэй тэнцэж байгаа бол бусад валют болох рубль авах нь 36.38, зарах нь 38.43 харин юань авах нь 434.00 зарах нь 436.10, вон авах нь 2.52 зарах нь2.53 төгрөг байна.
Өнөөдөр болох онцлох үйл явдлууд:
- 10.00 цагт МАХН болон МАН нэгдэх болон бие даасан үйл ажиллагаагаа зогсоох талаар мэдээлэл хийнэ.
- 11.00 ЭМЯ-наас мэдээлэл хийнэ.
Энэ өдөр дэлхийн түүхэнд:
- Өнөөдөр Чили улсад Усан цэргийн өдөр тохиож байна.
- 1989 оны энэ өдөр Шинэ Зеландын жүжигчин, дуучин Emily Robins мэндэлжээ.
- 2012 онд Бүгд Найрамдах Йемен Улсын нийслэл Сана хотод нэгэн амиа золиослогч бөмбөг дэлбэлснээс болж 120 гаруй хүн амь насаа алджээ.
- 2011 онд АНУ-ын Радио нэвтрүүлэгч Harold Camping уг өдрөөс таван сарын дараа дэлхийн төгсгөл ирнэ хэмээн зөгнөж байжээ.
- 1998 онд Майамид нэгэн халдагч үр хөндөлтийн таван эмнэлэгт тосны хүчил асгаж, их хэмжээний хохирол учруулж байжээ.
- 2001 онд Францын "Taubira" хууль батлагдав. Энэ нь Атлантын боолын худалдаа, боолчлолыг хүн төрөлхтний эсрэг гэмт хэрэг хэмээн албан ёсоор хүлээн зөвшөөрч байгаа хэрэг юм.
- 2005 онд дэлхийн хамгийн өндөр галзуу хулгана болох "Kingda Ka" нь АНУ-ын Нью-Жерсид орших "Six Flags Great Adventure" паркад нээлтээ хийжээ.
