УОК-ын Шуурхай ажлын хэсэг өчигдөр хөл хорио болон вакцинжуулалтын явцын талаар хуралдав. Хурлаар энэ сарын 8-ны өдрөөс хөл хориог сулруулж, ААН-үүдийг халдвар хамгааллын дагуу үйл ажиллагааг нь шат дараатай нээх журмыг хэлэлцэв. Хатуу хөл хорио энэ сарын 8-ны 06:00 цагаар дуусгавар болох бөгөөд үргэлжлүүлэн хөл хорио сунгахгүй саналтай байгаагаа УОК-оос илэрхийлсэн байна. Мөн улс орон даяар иргэдийг вакцинжуулах ажил эрчимтэй явж байгаа энэ үед иргэд бүрэн дархлаатай болох хугацааг тооцож, хязгаарлалтуудыг үе шаттай бууруулна гэдгийг Шадар сайдын ажлын албанаас мэдээллээ.
